Спортскиот арбитражен суд во Лозана (КАС) му нареди на Спортинг од Лисабон ,да му плати на српскиот фудбалски тренер Синиша Михајловиќ три милиони евра за предвремено раскинување на договорот.
Спортинг вчера доби допис од КАС со налог да му ги исплати парите на Михајловиќ, бидејќи беше отпуштен на 26 јуни 2018 година, само осум дена откако потпиша тригодишен договор, при промена на раководството на клубот, пренесува португалскиот рекорд.
Актуелниот тренер на Болоња реши да го тужи португалскиот гигант и да побара отштета од 12 милиони евра.
Спортинг нема право на жалба и ќе мора да му плати три милиони на Михајловиќ.