Министерството за одбрана на Руската Федерација соопшти дека украински транспортен хеликоптер Ми-8 е соборен во областа Мариупол, над морето.
Руското министерство тврди дека хеликоптерот тргнал да ги евакуира командантите на баталјонот „Азов“, кои наводно се обиделе да ги напуштат позициите и нивните војници и да побегнат од опколениот град.
Во Мариупол со денови се водат жестоки борби меѓу украинската армија и баталјоните лојални на Киев од една страна и руската војска засилена со чеченски борци од друга страна.