Свет

Нагорно Карабах: Прогласена воена состојба, Русија го обвини Азербејџан дека го прекршил договорот за прекин на огнот

Русија го обвини Азербејџан дека го прекршил договорот за прекин на огнот

Вооружените сили на Азербејџан влегоа во зоната на одговорност на рускиот мировен контингент на територијата на Нагорно-Карабах и поставија набљудувачки пункт, соопшти Министерството за одбрана на Русија. Истовремено министерството го обвини Азербејџан дека го прекршил договорот за прекин на огнот со Ерменија, потпишан по војната во Нагорно Карабах во 2020 година

Покрај тоа, од 24 до 25 март, вооружените сили на Азербејџан извршија четири напади со беспилотни летала Барјактар ​​врз единиците на Нагорно-Карабах во близина на населбата Фурух, пренесува „Спутник“ .

Претседателот на Република Нагорно-Карабах, Араик Харутјунџан потпиша указ за привремено ограничување на правата и слободите поради воведување воена состојба, се наведува на Телеграм каналот на официјалниот информативен центар на НКР.

– Претседателот на Република Нагорно-Карабах, Араџик Харутјуњан, потпиша указ за привремено ограничување на правата и слободите во услови на воена состојба прогласена на територијата на Република Арках (Нагорно-Карабах) –  се наведува во соопштението.

Според уредбата, правото на слобода на собирање е ограничено, а штрајковите се забранети.

– Дополнително, се прекинува работата на организациите кои се занимаваат со пропаганда или други активности насочени против одбранбените капацитети и безбедноста на Република Арках – се наведува во соопштението.

Министерството за внатрешни работи и Службата за национална безбедност на Нагорно-Карабах се одговорни за примената на привремените ограничувања на правата и слободите утврдени со таа уредба.

Руското Министерство за надворешни работи соопшти дека Москва презема мерки за деескалација во Нагорно Карабах.

Заменик-порпаролката на Стејт департментот Џалина Портер рече дека САД се длабоко загрижени поради движењето на азербејџанските трупи.

– Движењата на војниците и другите мерки за ескалација се неодговорни и создаваат непотребни провокации. „Ерменија и Азербејџан треба да користат директни комуникациски канали за итна деескалација“ , додаде таа.

Related posts

Leave a Comment