Париз – Четворица полицајци беа убиени во полициска станица во центарот на Париз, со нож ги нападнал човек кој подоцна беше убиен, изјави претставник на полицискиот синдикат.
Напаѓачот бил вработен во полициската администрација а нападот се случил по расправија во дворот на полициската станица, изјавиле полициски извори за француските медиуми.
Извори на француската полиција соопштија дека напаѓачот изгубил контрола и почнал да прободува со нож полицајци околу себе.
„Еден од колегите го уби лицето одговорно за нападот“, рече началникот на локалната полициска унија Лоик Травер за телевизијата БФМ.
Нападот се случил во полициската станица во близина на катедралата Нотр Дам, при што на местото на настанот дојдоа претседателот Емануел Макрон и премиерот Едвард Филип.
Метро станицата во близина на нападнатата полициска станица е затворена од безбедносни причини и околината е оградена.
