Главна вест денеска во европскиот фудбал е договорот што го потпиша Оле Гунар Солскјер со Манчестер Јунајтед да го води тимот во следните три години.
Англиските медиуми објавија дека преговорите почнале во понеделникот, на маса, освен платата што ќе ја добива, биле и можните засилувања. Солскјер ќе ја има улогата на Алекс Фергусон, односно ќе се насочи на фудбалери од сопствениот погон и млади англиски фудбалери кои треба да бидат иднината на екипата.
Прва цел ќе бидат Џејдон Санчо, Деклан Рајс и Ван-Бисака, а ако Јунајтед успее да обезбеди пласман во Лигата на шампионите, тогаш клубот ќе се насочи кон ѕвездени засилувања, во прв ред Герет Бејл.