Свет

Австралија на нозе против заклучувањето! Стотици илјади луѓе на улиците, судири со полицијата, повредени и уапсени(ВИДЕО)

Стотици луѓе беа уапсени, а седум полицајци беа хоспитализирани за време на денешните демонстрации против заклучувањето во Мелбурн и Сиднеј.

Во Мелбурн, повеќе од 4.000 демонстранти почнаа да ги пробиваат полициските линии, а во Сиднеј, полицијата спречи собирање помали групи незадоволни граѓани во поголеми, пренесува Ројтерс.

Снимките објавени на социјалните мрежи покажуваат како демонстранти протестираат, фрлаат предмети врз полицајци и носат факели, како и припадници на полицијата кои користат солзавец, објави претходно лондонскиот весник Гардијан.

Во Мелбурн беа уапсени 218 лица, во Сиднеј 47 и беа издадени 236 задолжителни казни за навреда на полицајци.

Протестите во Мелбурн се одржаа откако премиерот на сојузната држава Викторија, Даниел Ендрјус, објави дека ќе се воведе карантин во целата држава, во кој се регистрирани 77 нови случаи на коронавирус во последните 24 часа.

 

Related posts

Leave a Comment