Свет

Две дивизии на руски С-400 пристигнаа во Белорусија на вежба

МОСКВА/МИНСК – Две дивизии на руски ракетни комплекси С-400 пристигнаа во Белорусија, каде што ќе учествуваат на воените одбранбени вежби „Сојузничка определба 2022“.

 

Првите единици на руските вооружени сили кои ќе учествуваат на заедничките воени вежби „Сојузничка определба 2022“ пристигнаа во Белорусија нешто порано со опрема и оружје, соопшти Министерството за одбрана на Русија.

Како што беше прецизирано, единиците на Источниот воен округ со стандардна опрема и оружје изведоа комбиниран марш до полигонот каде што ќе се изведуваат задачи за борбена обука на територијата на Белорусија, пренесе Спутник.

„За време на вежбите ќе се реализираат задачите за зајакнување на заштитата на државната граница преку спречување на пенетрација на вооружени милитанти, блокирање канали за испорака на оружје и муниција, како и пребарување, блокирање и уништување илегални вооружени формации и саботажа и извиднички групи“, се вели во соопштението.

Практичните акции на војниците ќе се одржат на пет полигони и четири аеродроми, а увидот ќе се одвива во две фази.

Според Министерството за одбрана на Русија, планираните големи заеднички воени вежби со Белорусија не се во спротивност со Виенскиот документ од 2011 година за мерки за зајакнување на довербата и безбедноста.

Related posts

Leave a Comment