Вкупно 106 од вкупно 120 пратеници ја поддржаа одлуката
Пратениците на парламентот на Киргистан во четвртокот гласаа за одземање на имунитетот на поранешниот претседател Алмазбек Атамбаев , објави прес-службата на парламентот.
“Потребниот број на пратеници гласаше за повлекување на имунитетот на поранешниот претседател, по усвојувањето на оваа одлука, Атамбаев може да се гони”, рече портпаролот.
Вкупно 106 од вкупно 120 пратеници ја поддржаа одлуката.
Атамбаев (62) беше претседател на Киргистан во периодот 2011-2017 година и беше првиот лидер на земјата што ја напушти функцијата по истекот на неговиот прв мандат. Поранешните претседатели на оваа централно азиска република, Аскар Акаев и Курманбек Бакиев, беа соборени по револуциите.
Претходно претставниците на киргиските агенции за спроведување на законот рекоа дека против поранешниот претседател биле поведени неколку кривични дела, кои не можеле да ги истражат поради неговиот имунитет. По одлуката во четвртокот, иследниците ќе можат да започнат со истрага за овие случаи и дури бараат рестрикции за неговата слобода.
Според комисијата на парламентот за укинување на имунитетот на поранешниот претседател, пет обвиненија се поднесени против Атамбајев. Поранешниот претседател е осомничен за корупција за време на реконструкцијата на термоцентралата во Бишкек и незаконито снабдување со јаглен за неа, незаконско доделување на земјиште и ослободување на криминалецот Азиз Батукаев, како и добивање парцела за изградба на станбена куќа.
Поранешниот киргиски претседател претходно изјави дека не планира да присуствува на испрашувањето, отфрлајќи ја истрагата како политичко гонење против него иницирано од страна на актуелните власти.