Нема да останат напуштени : Италија спреми пари за поддршка на граѓаните што останаа без приходи како резултат на епидемијата

Градоначалниците во 8000 италијански општини треба да издвојат 4,3 милијарди евра од почетокот на април. Ќе се издвојат пари во зависност од економската состојба на граѓаните

Италија подготвува 4 милијарди и 300 милиони евра за распределување по општините за идно функционирање и 400 милиони евра за да им помогне на оние со најголеми економски тешкотии . Ќе бидат доделени ваучери за купување на храна или храната ќе биде испорачана во домот, организирано од страна на цивилната одбрана .

Оваа конкретна помош , која започнува следната недела, беше најавена синоќа во итно обраќање од италијанскиот премиер Џузепе Конте.

Конте рече дека сите се свесни дека многу луѓе страдаат психолошки и економски, поради што градоначалниците во 8000 општини ќе издвојат 4,3 милијарди евра од почетокот на април. Ќе одвојат пари во зависност од економската состојба на граѓаните на територијата на секоја општина .

Сумата од 400 милиони евра е итно наменета за луѓе кои немаат пари во моментот да купат храна, ќе можат да купат со ваучери или да им биде доставена до нивниот дом доколку не се во можност да излезат или се под карантин, а во меѓувреме се подготвува мрежа на донатори од големи компании за храна кои ќе доставуваат храна по намалена цена .

Разработени се различни начини за поддршка на граѓаните кои се принудени да останат дома и да не работат. Сите ќе добијат пари преку Фондот за заедничка помош до 15 април. Владата размислува за таков модалитет за да им помогне на 11 милиони луѓе.

На овој начин, државата сака да ги увери сите никој од граѓаните да не се чувствува сам и напуштен . Се работи и за поддршка на широк спектар на професии, хонорарни преведувачи, продавачи, архитекти, новинари, правници, земјоделски работници, сезонски работници, хонорарни занаетчии кои можат да побараат пари од 1 април .

Италијанскиот премиер се осврна и на претходниот неуспешен самит на европските лидери во врска со помошта во времето на пандемијата, „тоа е средба со историјата и убедени сме дека сите треба да бидат на ниво, ќе се борам до последниот грам енергија за да добијам одговор од Европа. енергичен и кохерентен, каде што сите треба да бидат на висина на предизвикот “.

Европа треба да направи нешто за сега но и за подоцна. Конте се надева дека Европа нема да направи трагични грешки, бидејќи „целата европска градба би ризикувала да ја изгуби својата причина за постоење“.