Руски ловци соборија два украински напаѓачки авиони Су-25 во самопрогласената Народна Република Доњецк (ДНР), изјави денеска портпаролот на Министерството за одбрана на Русија, генерал-мајор Игор Конашенков.
Тој рече дека руската авијација уништила три командни пунктови и 25 позиции со персоналот и опремата на украинската армија, пренесе Спутник. Ликвидирани се над 150 екстремисти, шест тенкови, пет полски артилериски оружја и 10 специјални воени возила.
Руските сили за воздушна одбрана соборија еден авион Су-25 на украинските воздухопловни сили во регионот Харков и осум беспилотни летала, пренесува РТ.
Воздухопловните сили на Русија го уништија системот за лансирање на противвоздушниот ракетен комплекс „Бук-М1“ во областа Харков, радарот за контрола на воздушниот простор во ДНР, радарот на ракетниот систем С-300 во регионот Кривој Рог, како и две батерии на повеќецевни ракетни фрлачи во ЛНР и ДНР.
Две украински балистички ракети „точка-У“ беа пресретнати над населбите Каховка и Чернобаевка во областа Херсон.
Ракетните сили и артилерија уништија 248 позиции со човечки и технички персонал на Украина, 37 артилериски позиции и ликвидираа 320 екстремисти.