Македонија, Црна Гора и Бугарија, кои не дадоа дозвола за летање со авионот на рускиот министер за надворешни работи Сергеј Лавров, треба да престанат со снабдување со руски енергенси, смета првиот заменик-претседател на Комитетот за меѓународни прашања на Советот на Руската Федерација Владимир Џабаров, објави „Политика.рс“.
Црна Гора, Бугарија и Македонија вчера го забранија летот на руските владини авиони преку нивниот воздушен простор, пред најавената посета на рускиот министер за надворешни работи Сергеј Лавров на Србија.
Портпаролката на Министерството за надворешни работи на Русија, Марија Захарова, потврди дека земјите што ја опкружуваат Србија го затвориле небото за авионот на Сергеј Лавров, нагласувајќи дека Москва не е таа што гради нова „железна завеса“, туку дека Европа ја оградува Русија.